Sparebankstiftinga Søre Sunnmøre

I turnhallen heiar alle på kvarandre

Ørsta turn har fått ny hall å trene i. Sparebankstiftinga har støtta anlegget.

Les meir

Frå Herøy biljardklubb til europameister

Sparebankstiftinga Søre Sunnmøre har gitt biljardbord til klubben.

Les meir

Ny løype på Reset er open for alle, heile året

Bak anlegget ligg eit stort spleiselag og mange år med frivillig innsats.

Les meir

Kort om Sparebankstiftinga Søre Sunnmøre

Sparebankstiftinga har som formål å dele ut allmennyttige gåver som kjem lokalsamfunnet til gode.

Stiftinga er i dag største eigar i SpareBank 1 SMN, og utbyttet frå dette eigarskapet gjer det mogleg å dele ut gåvemidlar til lag, foreiningar
og gode prosjekt på Søre Sunnmøre.

Prosjekt vi har støtta

698

gåver

608

prosjekt

324

mottakarar

180

MNOK

Tips til finansiering og budsjett

Det kan vere vanskeleg å vite korleis ein skal starte for å finansiere eit prosjekt. Sidan vi sjeldan fullfinansierer, oppmodar vi til å søkje fleire om støtte. Her er ei oversikt over kven andre de kan søkje midlar hos, og korleis ein kan setje opp eit enkelt budsjett.

Les meir

5 tips til ein god søknad

Skal de søkje om støtte hos oss? Her er fem tips som styrkjer søknaden og aukar sjansen for å få tildeling.

Les meir

Du har fått støtte - kva skjer no?

Gratulerer med tildelinga! Her får du oversikt over dei neste stega, frå gåvebrev til utbetaling og rapportering.

Les meir

Ofte stilte spørsmål

Kven kan søkje støtte?

Alle lag og foreiningar som:

har eige organisasjonsnummer
har eit ideelt føremål og driv allmennyttig aktivitet
har aktivitet på Søre Sunnmøre

Lag, foreiningar og frivillige organisasjonar på Søre Sunnmøre kan søkje om støtte til allmennyttige tiltak og prosjekt. Søre Sunnmøre er definert som Volda, Ørsta, Ulstein, Herøy, Hareid, Sande og Vanylven.

Søknadssystemet er knytt til Brønnøysundregistera. Organisasjonen må derfor ha eige organisasjonsnummer for å kunne sende inn søknad. Kontonummer må være knytt til organisasjonsnummeret. Dersom organisasjonen ikkje er registrert, kan du gjere det på Brønnøysundregistrene sin nettstad.

Ved utdelingar tek stiftinga først og fremst omsyn til det distriktet som bygde opp kapitalen til tidlegare SpareBank 1 Søre Sunnmøre. Høyrer din organisasjon til i eit annet geografisk område, men prosjektet skal gjennomførast på Søre Sunnmøre, anbefaler vi at de tek kontakt med stiftinga for å drøfte prosjektet.

Kva er forskjellen på prosjektgåver og breiddegåver?

Breiddegåve er for mindre aktivitet, ofte driftsretta behov med enkel og rask søknad. Normalt mellom 5 000–50 000 kroner. Har ikkje søknadsfrist og vurderast fortløpande.
Prosjektgåve er for større, meir avgrensa prosjekt med klar tidsramme og krev meir grundig søknad og vurdering. Frå 50 000 kroner og oppover. Søknadsfrist 15. mars og 15. september.

Prosjektgåver er større bidrag som går til utvikling, investering eller etablering av nye tilbod, og ikkje til ordinær drift. Prosjektet skal ha ein klar plan for gjennomføring og skape varig verdi for målgruppa eller lokalsamfunnet. Typiske døme på prosjektgåver kan vere:

Oppgradering eller bygging av anlegg og møteplassar
Etablering av nye aktivitetstilbod for barn og unge
Investering i større utstyr eller infrastruktur
Utviklingsprosjekt innan kultur, idrett, frivillig arbeid eller nærmiljø

Breiddegåver er økonomisk støtte til lag og foreiningar som driv allmennyttig verksemd. Målet er å styrkje frivillig aktivitet, lokal deltaking og engasjerte lokalsamfunn. Midlane kan nyttast til dagleg drift, vedlikehald av utstyr, leige av lokale, innkjøp av nødvendig utstyr og andre kostnader som sikrar aktivitet. Det kan òg gå til støtte til arrangement, kulturtiltak samt miljø- og helsefremjande aktivitetar. Det kan tildelast maksimalt kr 50 000 per lag eller foreining per år.

Kva aukar sjansen for å få støtte?

Forklar kvifor prosjektet er viktig, kven det vil kome til gode, og kva verdi det skaper for lokalsamfunnet. Jo tydelegare de klarer å beskrive samfunnsnytta og resultata av prosjektet, desto betre grunnlag får vi for å vurdere søknaden. I vurderinga av søknader legg vi særleg vekt på følgjande:

At tiltaket eller prosjektet har langsiktig verdi og skaper varige resultat.
At prosjektet kjem mange til gode og har tydeleg allmennytte.
At prosjektet skaper engasjement, trivsel og gode opplevingar.
At tiltaket stimulerer til aktivitet og deltaking.
At prosjektet er tufta på frivillig innsats, dugnadsånd og lokalt engasjement.
At prosjektet utløyser anna finansiering og bidrag frå fleire aktørar.
At tildelinga kan bidra til å realisere nye initiativ som styrkjer lokalsamfunnet, når breitt ut og har verdi over tid.
At prosjektet har ein realistisk plan for gjennomføring og finansiering.

Sparebankstiftinga vil berre unntaksvis fullfinansiere prosjekt. Vi oppmodar derfor til samarbeid, spleiselag og bruk av fleire finansieringskjelder. Finansieringsplan skal spesifiserast i søknaden.

Sjå fleire spørsmål