Det treng ikkje vere veldig detaljert, men det må kome tydeleg fram korleis pengane skal brukast. Tenk på det som ei enkel oversikt som viser kva du treng og korleis du skal få det til.
1. Kartlegg både utgifter og inntekter
Set opp eit budsjett som viser kva prosjektet kostar, og korleis de skal dekkje kostnadene. Begge delar skal vere med i søknaden. På inntektssida fører du opp kva laget sjølv bidreg med, kva du har søkt eller fått frå andre, og kva du søkjer om frå oss. Inntektene og utgiftene skal gå i balanse.
2. Vis kva pengane skal gå til
Det treng ikkje vere veldig detaljert, men det må kome tydeleg fram korleis pengane skal brukast.
3. Søk breitt
Ikkje sats alt på ein finansieringskjelde. Sjå gjennom lista nedanfor over andre å søke. Du kan søkje fleire stader samstundes. Det er heilt normalt, og blir sett på som positivt. Start med den kjelda som verkar mest aktuell for akkurat dykkar prosjekt, til dømes kommunen, oss, eller ein annan lokal aktør. Eitt positiv tilslag gjer det lettare å få fleire.
4. Bruk det første tilslaget aktivt
Dersom du har søkt andre om støtte, nemn det i søknaden – skriv om de har fått støtte eller har søkt støtte. Det styrkjer truverdet til prosjektet, og syner at det alt har oppslutning.
5. Ikkje gløym eigeninnsats og dugnad
Dugnadstimar og eigne ressursar tel som ein del av finansieringa. Det gjer prosjektet meir robust, og syner engasjement frå laget sjølv. Legg til grunn 300 kroner per dugnadstime per person.
Slik set du opp eit enkelt budsjett
Eit tydeleg budsjett gjer søknaden lettare å vurdere og syner at de har tenkt gjennom prosjektet. Det er positivt når vi skal vurdere sknaden. I eit budsjett må du vise både kostnadar/utgifter og finansiering/inntekter.
Kostnadssida (utgifter) bør vise:
- Alle utgifter, store og små (materiell, utstyr, leige, honorar)
- Verdien av eigeninnsats og dugnadstimar (300 kroner per dugnadstime per person).
- Eventuelle uforutsette kostnader (buffer)
Finansieringssida (inntekter) bør vise:
- Eigne midlar laget skyt inn
- Eventuelt lån
- Beløp de søkjer om frå oss
- Beløp de har fått, eller søkt om, frå Sparebankstiftinga og andre kjelder
- Verdien av dugnadsinnsats, oppgitt i kroner 300 per time.
Kostnadssida og finansieringssida skal gå i null. Dersom det er eit gap, bør de vise korleis de planlegg å dekkje det, til dømes med fleire søknader eller eigeninnsats.
Last ned vår mal til finansieringsplan.
Kvifor fullfinansierer vi sjeldan?
Vi ønskjer at midlane våre skal rekke til flest mogleg gode prosjekt på Søre Sunnmøre. Når fleire finansieringskjelder går saman om eit prosjekt, strekk pengane lengre, og fleire lag og foreiningar får høve til å realisere ideane sine.
I tillegg forventar vi at de bidreg med dugnadsinnsats. Vi ønskjer å styrke dugnadsånda, ikkje erstatte ho. Når laget sjølv legg ned timar og ressursar i eit prosjekt, blir det ofte betre forankra og meir verdsett i lokalmiljøet. Full finansiering utanfrå kan i verste fall svekkje dette engasjementet. De som søkjer kan legge til grunn 300 kroner per dugnadstime per person.
Eit prosjekt med fleire bidragsytarar viser òg at ideen har oppslutning. Det gjer søknaden sterkare, både hos oss og hos andre vi samarbeider med.
Vi ser det som eit gode, ikkje ei hindring, at de søkjer fleire stader og bidreg sjølve. Det gjer prosjektet meir robust, og det held oppe den dugnadstradisjonen som har bygd opp lokalsamfunna på Søre Sunnmøre gjennom generasjonar.
Andre finansieringskjelder
I tillegg til Sparebankstiftinga Søre Sunnmøre finst det fleire andre stader lag og foreiningar kan søkje om støtte. Her er eit utval.
Stiftingar og fond
Få oversikt: Stiftelsesregisteret viser oversikt over stiftingar.
Offentlege tilskotsordningar
- Kulturdirektoratet
Statlege tilskot til kunst- og kulturprosjekt.
- Bufdir
Tilskotsordningar retta mot barn, unge og inkludering.
- Frifond (via LNU og Norsk musikkråd)
Støttar lokal aktivitet for barn og unge i frivillige organisasjonar.
- Spelemidlar til idrettsanlegg
Statleg støtte til bygging og oppgradering av idretts- og nærmiljøanlegg. Blir prioritert av kommunen og fordelt av fylkeskommunen.
- Møre og Romsdal fylkeskommune
Regionale tilskotsordningar innan kultur, idrett, kulturminne og næring.
Idrettsforbundet – Møre og Romsdal Idrettskrets
Grønt lys for idretten – Søknad om støtte til LED-lys på eksisterande anlegg
Kommunane på Søre Sunnmøre
Alle kommunane har eigne kulturmidlar og tilskotsordningar for lag og foreiningar:
Næringsliv og bank
Lokale bankar og bedrifter kan gi sponsormidlar, særleg mot profilering. Dette er noko anna enn gåve, men kan gjerne kombinerast som ein del av finansieringsplanen.
